A vitalidade do rugby galego non ten límites, é un deporte que segue a incorporar novos participantes , a mellorar e a consolidarse no aspecto competitivo. A nivel nacional, ocupamos o séptimo posto por comunidades autónomas tanto no relativo a número de licencias como de clubs, pasamos de 900 licencias en 2009 ás máis de 1.400 da última tempada.

O fortalecemento do rugby autonómico é froito dun traballo serio e constante da Federación e dos clubs con todas as categorías, desde or primeiros equipos que cada ano se miden nas competicións estatais, ata as categorías inferiores e o deporte escolar.

Os resultados deportivos, o bo nivel competitivo e o crecemento de licencias nas categorías base apuntan a un bo futuro para o rugby galego, apoiado en sólidos piares.